ប្រវត្តិរូបសង្ខេប

ប្រវត្តិរូបសង្ខេប
  1. គោត្តនាម និងនាមៈ  ផែន  សុផល  ជាអក្សរឡាតាំងៈ  PHEN  SOPHAL 
  2.  ភេទ ប្រុស ជនជាតិ ខ្មែរ សញ្ជាតិ ខ្មែរ កើតថ្ងៃទី០៣ខែមេសាឆ្នាំ១៩៨២
    នៅភូមិបេង ឃុំក្រពុំឈូក ស្រុកកោះអណ្ដែត ខេត្តតាកែវ ។
    ឪពុកនាមៈ នន ណាន់ ជា កសិករ
    ម្ដាយនាមៈ សាំង អ៊ាច ជា កសិករ
    មានបងប្អូនបង្កើតចំនួនៈ ០៤ នាក់ ក្នុងនោះប្រុស ០២ និងស្រី ០២
    បងស្រីទី១ នាមៈ នន ចន្ធី  ជា កសិករ មានសាម៉ីនាមៈ កឹម ម៉ាច ជា គ្រូបង្រៀន
    បងប្រុសទី២ នាមៈ នន វ៉ាន់ ជា កសិករ មានភរិយានាមៈ យិន ស៊ីណា ជា កសិករ
    ប្អូនស្រីពៅនាមៈ នន ចន្ធូ ជា កសិករ មានសាម៉ីនាមៈ គង់ សុភា ជា ទាហាន
    សព្វថ្ងៃរស់នៅភូមិបេង ឃុំក្រពុំឈូក ស្រុកកោះអណ្ដែត ខេត្តតាកែវ ។
    តាមពិត,ខ្ញុំបាទគួរដាក់ត្រកូល នន ដូចបងស្រី បងប្រុស និងប្អូនស្រីដែរ។ តែដោយ
    ហេតុថា៖ លោកតាផែន និងលោកយាយអូន អ្នកទាំងពីរជាប្ដីប្រពន្ធគ្មានកូន ហើយ
    សុំម៉ែរបស់ខ្ញុំ ពីលោកតាសាំង និងលោកយាយសៀម មកចិញ្ចឹមតាំងពីតូចក្រូចឆ្មារ
    រស់នៅជាមួយគាត់ រហូតធំពេញវ័យក្រមុំ និងបានរៀបចំផ្សំផ្គុំជាមួយឪពុករបស់ខ្ញុំ
    ដែលជាកូនរបស់លោកតា នន និងលោកយាយ អ៊ូច ដោយមើលថែរក្សាលោកតា
    ផែន យាយ អូន ទាល់តែលោកទាំងពីរលាចាកគតិភព។ តាមសម្ដីរបស់ម្ដាយប្រាប់
    ថា លោកតាផែន ជាអាចារ្យការ-បុណ្យយ៉ាងចំណានមានប្រជាប្រិយនៅក្នុងភូមិឃុំ
    ពេលដែលគាត់វិលត្រឡប់ពីពិធីណាមួយ តែងតែស្រែកហៅឈ្មោះខ្ញុំឲ្យនំនេកចំណី
    លុះមុនពេលគាត់់ជិតដាច់ដង្ហើមបានផ្ដែផ្ដាំម្ដាយខ្ញុំ និងទុកសំលៀកបំពាក់អាចារ្យ
    សម្រាប់ខ្ញុំពេលចាស់ទៅផងដែរ។ អាស្រ័យហេតុដូចបានរៀបរាប់ខាងលើនេះ ទើប
    ខ្ញុំសម្រេចចិត្តយកត្រកូល ផែន មកដាក់ដើម្បីតបស្នងនូវក្ដីស្រឡាញ់ អ្នកគុណចំពោះ
    ម្ដាយឪពុករបស់ខ្ញុំកន្លងមក ។
    ផែន សុផល  មកពី ផែន,សុ,ផល
    ផែន មានន័យថា ទម្រង់ បែបបទ
    សុ ឬសុខ មានន័យថា គ្មានទុក្ខកង្វល់ ភាពត្រជាក់ត្រជុំ
    ផល មានន័យថា ផ្លែផ្កា
    សរុបសេចក្ដីមក ផែន សុផល មានន័យថា បែបបទមួយដែលឆ្ពោះទៅរកការត្រជាក់
    ត្រជុំ និងទទួលបាននូវផ្លែផ្កាល្អសម្រាប់ជីវិត។
    -​​ អំឡុងឆ្នាំ ១៩៩០-១៩៩៥  រៀននៅសាលាបឋមសិក្សាក្រពុំឈូក
    - អំឡុងឆ្នាំ ១៩៩៦-១៩៩៨ រៀននៅសាលាអនុវិទ្យាល័យក្រពុំឈូក
    - អំឡុងឆ្នាំ ១៩៩៩-២០០១ រៀននៅវិទ្យាល័យទន្លាប់
    -អំឡុងឆ្នាំ ២០០២-២០០៤ រៀននៅមជ្ឈមណ្ឌលគរុកោសល្យភូមិភាគរាជធានីភ្នំពេញ
    គរុនិស្សិតជំនាន់ទី១៤ ឯកទេស រូបវិទ្យា និងគីមីវិទ្យា ។
    -ឆ្នាំ ២០១៣ - ២០១៤ រៀននៅសកលវិទ្យាល័យឯកទេសនៃកម្ពុជា(ទួលគោក) ជានិស្សិត
    ឆ្នាំទី៤ ជំនាន់ទី១០ កម្រិត បរិញ្ញាប័ត្រ ផ្នែក គីមីវិទ្យា ។ 
    -ថ្ងៃទី១៨ ខែសីហា ឆ្នាំ២០១៤ ចូលបម្រើការងារនៅមន្ទីរ អ.យ.ក ខេត្តមណ្ឌលគិរី
បទពិសោធន៍ការងារ
     -អំឡុងឆ្នាំ ២០០៥-២០១១ ជាគ្រូបង្រៀននៅសាលាអនុវិទ្យាល័យអូររាំង
    -អំឡុងឆ្នាំ ២០០៥-២០១១ នេះដែរ ក្រៅពីបង្រៀនឯកទេស ជាអ្នកស្ម័គ្រចិត្តបង្រៀនភាសា
    អង់គ្លេស និងកុំព្យូទ័រ ។
    -ឆ្នាំ ២០០៨ ជាប្រធានគណៈកម្មការរៀបចំការបោះឆ្នោតក្រុមប្រឹក្សាឃុំ នៅ សែនមនោរម្យ។
    -ឆ្នាំ ២០០៩ ជាប្រធានគណៈកម្មការរៀបចំការបោះឆ្នោតក្រុមប្រឹក្សាស្រុក នៅ អូររាំង ។
    -ឆ្នាំ ២០១១ ជាគ្រូបង្រៀនកុំព្យូទ័រ នៅមជ្ឈមណ្ឌលកុមារកំព្រា និងក្រីក្រ​ខេត្តមណ្ឌលគីរី ៕
    -ឆ្នាំ ២០១២ ជានាយករងសាលាអនុវិទ្យាល័យអូររាំង ប្រកាសចេញពីក្រសួងអប់រំ យុវជន
    និងកីឡា ។
    -ធ្លាប់បានបញ្ចប់វគ្គបំប៉នសមត្ថភាពការប្រើប្រាស់បច្ចេកវិទ្យា ពត៌មាន និងសារគមនាគមន៍
    (ICT)ដែលរៀបចំដោយវិទ្យាស្ថានបើកទូលាយ និងក្រសួងអប់រំ យុវជន និងកីឡា ។
    -ធ្លាប់បានបញ្ចប់វគ្គបំប៉នសមត្ថភាពផ្នែកគ្រូវិទ្យាសាស្ត្រមធ្យមសិក្សាស្ដីពីការបង្ហាញ ការ
    ផលិតសម្ភារៈ ការធ្វើនិទស្សន៍ និងការធ្វើពិសោធន៍ ដែលរៀបចំដោយអង្គការវី អេស អូ
    ប្រចាំកម្ពុជា ។
    -ធ្លាប់បានបញ្ចប់វគ្គបំប៉នសមត្ថភាពភាពអ្នកដឹកនាំ និងគ្រប់គ្រង ដែលរៀបចំដោយអង្គការ
    អប់រំពិភពលោក ប្រចាំកម្ពុជា ។
    -ធ្លាប់បានបញ្ចប់វគ្គបំប៉នសមត្ថភាពភាពអ្នកដឹកនាំ និងគ្រប់គ្រង ដែលរៀបចំដោយអង្គការ
    វី អេស អូ ប្រចាំកម្ពុជា ។
    -ធ្លាប់បានបញ្ចប់វគ្គបំប៉នសមត្ថភាពផ្នែកគណនេយ្យ ដែលរៀបចំដោយក្រសួងអប់រំ យុវជន
    និងកីឡា ។
    -ធ្លាប់ជាអ្នកប្រឹក្សា និងដឹកនាំយុវជនក្នុងកម្មវិធីក្លឹបនិពន្ធ ស្រាវជ្រាវប្រពៃណី ទំនៀមទំលាប់
    និងការរស់នៅរបស់ជនជាតិភាគតិចព្នង នៅស្រុកអូររាំង ក្រោមការឧបត្ថម្ភពីអង្គការ ខេប
    ប្រចាំខេត្តកំពង់ចាម។
    -ធ្លាប់ជាទីប្រឹក្សា និងជំនួយការរបស់លោក ដេវីត និងអ្នកស្រី សារ៉ា ជនជាតិកូរ៉េ ប្រធាន
    មជ្ឈមណ្ឌលនៃក្ដីសង្ឃឹម នៅខេត្តមណ្ឌលគីរី ដើម្បីជួយកុមារក្រីក្រី ដែលពុំមានលទ្ធភាព
    បន្តការសិក្សា ។
    -ធ្លាប់ជាទីប្រឹក្សា និងជំនួយការលោកស្រី ជែមម៉ា បាងខល ជនជាតិពីលីពីន អ្នកស្ម័គ្រចិត្ត
    អន្តរជាតិ ដើម្បីជួយការងារសាលាស្រុកអូររាំង និងសាលាអនុវិទ្យាល័យអូររាំង ។
    -ឆ្នាំ ២០១៣ ជាសមាជិកសេវាកម្ម និងវិវាទកម្ម នៃគណៈកម្មការរៀបចំការបោះឆ្នោតតំណាង
    រាស្ត្រ នីតិកាលទី៥ នៃរដ្ឋសភា នៅឃុំ សែនមនោរម្យ ។ 
    -ថ្ងៃទី០១ខែតុលាឆ្នាំ២០១៣ ជាបុគ្គលិកជំនួយការរដ្ឋបាល នៅអង្គការអន្តរជាតិណូម៉ាដ អ័រ 
    អេស អាយ ប្រចាំខេត្តមណ្ឌលគិរី ។
    មុខងារ និងតួនាទីបច្ចុប្បន្ន
    -ជាមន្ត្រីការិយាល័យមធ្យមសិក្សាចំណេះទូទៅ នៃមន្ទីរអ.យ.ក ខេត្តមណ្ឌលគិរី
    ចំណង់ចំណូលចិត្ត 
    -ពេលទំនេរ ធ្វើការងារផ្ទះ អានសៀវភៅ ឯកសារស្រាវជ្រាវផ្សេងៗ តែងកំណាព្យ ចម្រៀង
    និពន្ធរឿងសម្រាប់កុមារ រឿងខ្មោច លេងកីឡា (បាល់ទះ) ជាដើម ។ 
    សោភ័ណជីវិតស្នេហា
    -ប្រាថ្នានារីជាគូសំណព្វចិត្តៈ សម្រស់សមរម្យ ចេះយល់ចិត្តគ្នាទៅវិញទៅមក មានរបរពិត
    ច្បាស់លាស់ មានភាពវៃឆ្លាត យល់ពីនិស្ស័យរបស់ខ្លួន តម្លាភាពរវាងគ្រួសារ ។
    -មានលំនៅស្ថាន និងផ្ទះមួយសមរម្យ មានដំណាំច្រើនមុខ ចិញ្ចឹមសត្វ សួនច្បារផ្កាចំរុះ មាន
    បណ្ណាល័យចល័ត បន្ទប់ទទួលភ្ញៀវ ចង្ក្រានបាយ បង្គន់អនាម័យ ភ្លើងអគ្គីសនី និងរបរបន្ទាប់
    បន្សំបន្ថែមលើកិច្ចការគ្រូបង្រៀន ។
    បំរាមចិត្តខ្លួនឯង 
    -ការផឹកស៊ីមានដែនកំណត់ ដូចជា ជួបជុំមិត្តភ័ក្ដិម្ដងម្កាល មានភ្ញៀវក្នុងក្រុមការងារ ពិធីបុណ្យ
    ទានជួបជុំក្រុមគ្រួសារបងប្អូន សាច់ញាតិ ។
    -មិនលេងល្បែងស៊ីសងគ្រប់ប្រភេទ ។
    -ជំហរលើការត្រិះរិះពិចារណា ។
    -សំលៀកបំពាក់សមរម្យ ដួងចិត្តបើកទូលាយ ។
    -ប្រើប្រាស់គំនិត ឆ្នៃប្រឌិត ចក្ខុវិស័យលើការអភិវឌ្ឍលើការងារ ។